Grunneigarar i Årbergsdalen og Gaular IL tok i vår initiativet til å få med Rekkje stiutvikling på ei synfaring i Årbergsdalen for å undersøke mogelegheitene for å bygge sykkelstiar i området rundt skianlegget.
Styret i Sunnfjord Stisykkellag var inviterte og stilte med Øystein og Håvard.
Etter ei teoriøkt med god mat på Mjølkerampen bar det ut i terrenget. Grunneigar Per Einar Ness stilte som engasjert guide og viste fram moglegheiter både nord og sør for skibakken. Der er også moglegheiter for stisykling på eksisterande sti ovanfor skianlegget.
Roald Eidsheim i Rekkje stiutvikling var positiv, spesielt til området som ligg rett i området nord for skianlegget og mot deponiet som ligg ved E39. Her er det mykje som stemmer med hensyn til hellingsgrad og jordsmonn, men mulig det også må avklarast med fleire grunneigarer. Ein naturleg transportveg var der allereie og over er det barnålsskog med muligheter for enklare tiltak som gir mykje god sti. Vi ser vidare på moglegheitene – inntrykket var positivt.